Аваргын ЦОМ-оо ихэрлүүллээ…
“МХбХ-ны Цом”-ын аварга шалгаруулах тэмцээнд дээд лигийн 9 баг, 1-р лигийн 10 баг, сонирхогчдын улсын аварга шалгаруулах тэмцээний эхний 7 баг нийт 26 баг хасагдах системээр 2 сарын турш тоглож дүнгээ гаргалаа.
Эцсийн мөчид “ХҮРХРЭЭ ДЭЭД ЛИГ”-ийн аваргын алт, мөнгөн медалийн эзэд болох “ЭРЧИМ”, “Улаанбаатар ФС” багууд аваргын алтан цомын төлөө 10 дугаар сарын 10-ны өдөр МХбХ-ны ногоон талбайд өрсөлдсөн.
Үндсэн цаг дуусахад хэн хэн нь гоол хийлгүй өндөрлөсөн ч нэмэлт 30 минутанд манай багийн залуусын, эцэж цуцашгүй, эрч хүчтэй, дайчин шаргуу, уран гоё тоглолтын үр дүнд дараалсан 4 гоолыг айлын хаалганд шигтгэж энэ оны хамгийн том 2 тэмцээний аваргын алтан цомыг ихэрлүүлж авч чадлаа.
МХбХ-ны энэ удаагийн цом нь манай багийн 5 дахь удаагийн цом байлаа.
