“Ажилтны урлагийн Y их наадам”-д амжилттай оролцлоо…

Манай компанийн авъяаслаг ажилтнууд 11 хүний бүрэлдхүүнтэйгээр МҮЭ-ийн 100 жилийн ойн нэрэмжит “Ажилтны урлагийн Y их наадам”-ын  II  шатны шалгаруулалтанд  6 номинациар  оролцсон. Энэхүү наадамд ЭХС-ын хэмжээнд 15 байгууллагын уран сайханч өрсөлдсөнөөс 2 төрөлд нь  шалгарч улмаар ГАЛА тоглолтонд оролцлоо.  Гоцлол хөгжмийн төрөлд  Зуухан цехийн туслах машинч,  морин хуурч  Б.Түмэнбаяр  Тусгай байр эзэлж МҮЭ-ийн “Соёлын тэргүүний ажилтан”  цол тэмдэгээр,  Хамтлаг дууны төрөлд  Квартет  дөрвөл болох Дулааны хянах хэмжүүр автоматикийн цехийн инженер О.Эрдэнэ-Очир, Зуухан цехийн зуухны машинч Б.Энхбат, Цахилгаан цехийн мастер Н.Баярхүү, Эрчим зоогийн газрын тогооч Т.Амаржаргал нар  II байр эзэллээ. Шагнал хүртэж компанийнхаа нэр алдрыг өндөрт өргөсөн уран сайханч ажилтнуудынхаа цаашдын ажил хөдөлмөр, урлаг уран сайханд нь өндөр амжилт хүсье.