ГҮЙЦЭТГЭХ ЗАХИРАЛ Б.ЦЭВЭЭН ШУТИС-ИЙН “ХҮНДЭТ ПРОФЕССОР” БОЛЛОО

Шинжлэх Ухаан, Технологийн Их сургуулийн Ректор Б.Очирбатын 2014 оны 03 – р сарын 27 –ны өдөр Хөдөлмөрийн Гавьяаны Улаан Тугийн одонт “ ДЦС-4” ТӨХК-ийн гүйцэтгэх захирал Б.Цэвээнийг “ Хүндэт профессор” цол олгох шийдвэрлэн, цол олгох ёслолын ажиллагаа 2014 оны 03 – р сарын 27-ны өдөр ШУТИС-ийн эрдмийн зөвлөлийн танхимд боллоо. Б.Цэвээн нь Эрчим хүчний салбарт жирийн инженерээс компанийн гүйцэтгэх захирал хүртэлх ажлуудыг 30 гаруй жил тасралтгүй,үр бүтээлтэй хийж байна.Тэрээр Монгол улсын Эрчим хүчний салбарт шинэ дэвшилтэт технологи болон Монгол Улсын Эрчим хүчний салбарт олон жил үр бүтээлтэй ажиллаж, ШУТИС-ийн профессор багш нар оюутан суралцагчдын ажиллах, сурах орчин, лабораторын материаллаг баазыг бэхжүүлэх, эрдэмтэн судлаачдын бүтээлийг үйлдвэрлэлд нэвтрүүлэх, эрдэм шинжилгээ, судалгааны ажил эрхлэхэд дэмжлэг үзүүлж, Их сургууль-Үйлдвэрлэлийн хамтын ажиллагааг хөгжүүлэхэд оруулсан хувь нэмрийг өндрөөр үнэлж Монгол Улсын Шинжлэх Ухаан, Технологийн Их Сургуулийн хүндэт профессор цол олголоо.

Гүйцэтгэх захирал Б.Цэвээн танд компанийн хамт олны өмнөөс баяр хүргэж, таны цаашдын ажилд  өндөр амжилт хүсэж, сайн сайхан бүхнийг дэвшүүлье.