“ДЦС-4” ТӨХК-ний 2014 оны Хөлбөмбөгийн аварга шалгаруулах тэмцээн эхэллээ.

Зохион байгуулагч: “ДЦС-4” ТӨХК-ийн захиргаа
Хамтран зохион байгуулагч:“ДЦС-4” ТӨХК-ийн Зуухан цехийн захиргаа

1. Зорилго.
Компанийн уламжлалт спорт наадмын арга хэмжээг өргөжүүлэх, нийт компанийн ажилчдын чөлөөт цагийг зөв боловсон өнгөрүүлэх, хамтач нийтэч уур амьсгалыг дэмжин идэвхжүүлэх, шинээр ажилд орж буй залуу ажилчдыг танилцуулах, дэлхийн хаан спортоор сонирхон хичээллэж, шимтэн үздэг ажилчдын тоог нэмэгдүүлэх. Монгол улсын хөлбөмбөгийн холбоо, гишүүн байгууллагуудаас зохион байгуулж буй сонирхогчдын тэмцээнд байгууллагаа төлөөлөн оролцох сонирхолтой залуусыг бүрдүүлэн байгууллагын нэрийн өмнөөс тэмцээн уралдаанд оролцож байх баг бүрдүүлэх зорилготойгоор 2014 оны байгууллагын хөлбөмбөгийн аварга шалгаруулах тэмцээнийг зохион байгуулж байна.

2. Тэмцээнийг зохион байгуулах ажлын тухай:
Тэмцээнийг 2014 оны 06-р сарын 16-наас зохион байгуулна. Тэмцээнд компанийн алба, хэлтэс, цех, нэгжүүдийн багуудаас гадна манай компанид гаднаас ажил үйлчилгээ явуулдаг компаниуд оролцож байна.

Үүнд:
1. Түлш дамжуулах цех
2. Зуухан цех
3. Турбин цех
4. Цахилгаан цех
5. ДХХА цех
6. Хими цех
7. Механик цех
8. Захиргаа
9. “Эрчим сервис” ХХК
10. “МЭЗ” ХХК
Баг тамирчдад спортын өндөр амжилт хүсье.