Компанийн олс таталтын багийнхан Олон улсын тэмцээнд амжилттай оролцлоо…

2016 онд Монголын олс таталтын холбооноос жил бүр зохион явуулдаг “Улсын аварга” шалгаруулах тэмцээнд оролцох зорилгоор “ДЦС-4” ТӨХК-ний олс таталтын “Эрчим” багийг шинээр дахин бүрдүүлсэн. Улмаар 2016 оны “Улсын аварга” шалгаруулах тэмцээнд “Эрчим” баг 3-р байранд шалгарч хүрэл медаль хүртсэн.

2016 оны 07-р сарын 19-өөс 26-ны хооронд БНХАУ-ын Гансу мужын Лунтан дүүргийн Юилигуан хотноо зохион байгуулсан “YELIGUAN CUP 2016” тэмцээнд Монгол улсаа төлөөлж манай компанийн  “Эрчим” баг амжилттай  оролцоод ирлээ.

Олс таталтийн спорт нь тухайн хотын ард иргэдийн үндэсний спортын нэг төрөл юм байна. Иймээс тухайн баярын өдрөө энэхүү тэмцээнийг олон улсын хэмжээнд нээлттэй жил бүр зохион байгуулдаг уламжлалтай.

Хятад, Монгол, Сингапур зэрэг 3 орны 10 багийн тамирчид оролцсон ба БНХАУ-ын багууд эхний 5 байрыг авч манай баг шагналт 6-р байранд шалгарч Өргөмжлөл, Цом, Мөнгөн шагналаар шагнагдсан.

Олон улсын тэмцээнд эх орон, компанийхаа нэрийн өмнөөс амжилттай оролцсон баг тамирчиддаа болон уг тэмцээнд оролцох нөхцөл боломжоор хангаж өгсөн станцынхаа захиргаанд баяр хүргэж ажил, спортын өндөр амжилт хүсье