Компанийн 2018 оны 100 буудалт даам , шатрын тэмцээн амжилттай болж өнгөрлөө…

100 буудалт даам

Жил бүр уламжлал болгон явагддаг ДЦС-4 ТӨХК-ний аварга шалгаруулах 7 төрөлт тэмцээн амжилттай эхэллээ. Энэ жилийн тэмцээнүүд бүгд компанийн 35-н жилийн ойн хүрээнд явагдаж байгаагаараа өмнөх жилүүдийнхээс илүү онцлогтой болж байгаа юм. Энэ оны тэмцээн 100 буудалт даамны тэмцээнээр 2018 оны 3-р сарын 21 нд Алдрын танхимд эхэлсэн бөгөөд нийт 26 тамирчин 7 өрөг тоглосноос 6 хожил 1 тэнцээгээр ЗЦ-ийн тамирчин Д.Эрдэмбилиг түрүүлсэн бол 4 хожил 3 тэнцээтэй ЗЦ-ийн Д.Бат-Эрдэнэ 2-р байр, 5 хожил 2 хожигдолтойгоор Захиргааны багийн Б.Тэгш-Учрал 3-р байр эзэлж медаль, өргөмжлөл мөнгөн шагналаар шагнуулсан байна. Багийн нийлбэр оноогоор ЗЦ, Захиргаа, ТДЦ багууд эхний 3 байрыг эзэлсэн байна

Шатар

2018 оны 3-р сарын 22нд Алдрын танхимд нийт 34 тамирчин 7 өрөг тоглож оюун ухаанаа уралдуусанаас Захиргааны багийн Л.Баасан 6 хожил 1 хожигдолтойгоор 1-р байр эзэлж, 2-р байрыг 6 хожил 1 хожигдолтойгоор ЦЦ-ийн тамирчин Б.Бадрал, 3-р байрыг 5 хожил 1 тэнцээ 1 хожигдолтойгоор Захиргааны багийн Д.Лхагвадорж нар эхний 3 байрыг эзэлсэн байна, багийн нийлбэр дүнгээр Захиргаа, ЦЦ,ЗЦ-ийн багууд эхний 3 байрыг эзэлсэн байна.