Компанийн 30 жилийн ойг угтсан спортын тэмцээн уралдаан амжилттай зохион байгуулагдаж байна

ДЦС- 4 ТӨХК-ийн үүсэн байгуулагдсаны 30 жилийн ойн арга хэмжээний хүрээнд 5-р сарын 2,3-ны өдрүүдэд шатрын АШТ, 17,18-ны өдрүүдэд Сагсан бөмбөгийн АШТ, 24, 25-ны өдрүүдэд Гар бөмбөгийн АШТ тус тус явагдаж дүнгээ гаргалаа. Шатрын тэмцээнд нийт 27 тамирчин оюун ухаанаа сорьж өрсөлдсөнөөс Турбин цехийн инженер Д.Гантөр 7,5 оноогоор 1-р байр, Зуухан цехийн Д.Цоож 7 оноогоор 2-р байр, ЗА-ны Ч.Баярдалай 6,5 оноогоор 3-р байрыг тус тус эзэлсэн бол Сагсан бөмбөгийн тэмцээнд эрэгтэй 10, эмэгтэй 9 багийн 150 орчим тамирчид хурд хүч, авъяас чадвараа сорин өрсөлдөж эрэгтэй эмэгтэй багийн нийлбэр дүнгээр ТДЦ, ЗЦ, Хими цех эхний 3-н байранд шалгарлаа. Энэ үеэр Механик цехийн гагнуурчин Г.Баатархүү Сагсан бөмбөгийн “Спортын мастер” цолны эзэн болсон. 5-р сарын 24, 25-ны өдрүүдэд зохион явагдсан гар бөмбөгийн тэмцээнд эрэгтэй 8, эмэгтэй 8 багийн 130 орчим тамирчид өрсөлдсөн. Багийн дүнгээр Захиргаа, ТДЦ, ЦЦ-ийн багууд эхний 3-н байрыг тус тус эзэлсэн байна. 3 тэмцээний нийлбэр оноогоор байр эзлүүлэхэд Захиргаа /8 оноо/, Зуух /8оноо/, ТДЦ /11 оноо/, ЦЦ /12 оноо/, ТЦ /15 оноо/, ДХХАЦ /16 оноо/, Хими цех /18 оноо/, МЦ /20 оноо/ -оор 8-н байр тус тус эзэлсэн байна. Цех нэгжүүдэд дараагийн тэмцээнүүдэд амжилттай оролцон, байраа ахиулан, 30 жилийн ойн Спортын арга хэмжээндээ өндөр амжилт үзүүлэхийг хүсэн ерөөе !

Биеийн тамирын арга зүйч мэргэжилтэн Ч.Баясгалан