ТОП-100 ӨРГӨМЖЛӨЛ-өө гардан авлаа…

МҮХАҮТ, Монгол улсын засгийн газартай хамтран жил бүр Монгол улсын нийгэм эдийн засаг бизнесийн хөгжилд жинтэй хувь нэмэр оруулж буй “ТОП-100” аж ахуйн нэгжийг өргөмжилдөг уламжлалтай бөгөөд энэхүү арга хэмжээг 15 дах жилдээ зохион байгууллаа. Энэхүү шалгаруулалтыг Сангийн яам, Гааль, татварын ерөнхий газар, Нийгмийн даатгалын ерөнхий газар, Улсын бүртгэл, статистикийн ерөнхий газраас ирүүлсэн тоо баримт дээр үндэслэн тодорхой аргачлалын дагуу явуулан шалгаруулсан байна.

2014 оны амжилтаараа манай компани ТОП-100- д 28 жагсаж байсан бол 2015 оны үзүүлэлтээрээ 19- д жагсан 9 байр урагшуулсан байна. Энэхүү амжилтыг гаргахад өөрийн сэтгэл зүрх, оюун ухаан, хүч хөдөлмөрөө эргэлт буцалтгүй зориулсан хамт олондоо, нийт ажиллагсаддаа баяр хүргэе.

Dagva Zag  Д.Загдсүрэн, ЗЦ-ийн ЦФ-ийн инженер/

Он цагийг эзэгнэсэн бахдам үйлсийн эзэд
Олон түмэндээ нэртэй хөдөлмөрийн хүндэт баатруудтай
Асан дүрэлзэх галын эзэн заяанд заларч
Алдар суугаа дуурсгасан Аж үйлдвэрийн гавъяатуудтай
Эрчимийн их хөгжилтэй хөл нийлэн алхсан
Эрдэм оюун төгс мэргэшсэн, зөвлөх инженерүүдтэй
Тоо томъёоны ухаанаар толгой цохьсон алдартай
Төлөвлөлт тооцоо нь жигдэрсэн төсөвчин, ня-бо, эдийн засагчидтай
Ажил хөдөлмөрийн буухианаас сугарч цойлсон бүтээлтэй
Алдарын туузаар гоёсон салбарын олон аваргуудтай
ТЭЦ-4 ТОП ОО ТОП
Тэнхээ тамир нь ихээ их
Хоолыг урлаг болгох хосгүй авъяаслаг тогооч нар манайх
Хатан болдыг зүйдэлгүй наах ховорхон шидтэй гагнуурчид манайх
Газрын холдоо дуулан давхих ганган тэрэгтэй тээвэрчид манайх
Ганг амилуулж гайхамшиг бүтээх уран гартай токарьчин манайх
Ачааны хүндийг нуруундаа үүрдэг алтан гартай ажилчид манайх
Алдарын тавцанд инээмсэглэн зогсох авхаалж дүүрэн тамирчид манайх
Галтай насаа станцдаа зориулсан галын бурхан ахмадууд манайх
Гэрэлт ирээдүйг гар дээрээ өргөх сэргэлэн цогтой залуус манайх

ТЭЦ-4 ТОП ОО ТОП
Тэнхээ тамир нь ихээ их