Монголын волейболын холбоо, “Витафит групп” хамтран зохион байгуулсан волейболын “Намрын тэргүүн” тэмцээн “Буянт-Ухаа” спортын ордонд аравдугаар 31-нийг хүртэл болж өндөрлөлөө. Тэмцээнд эрэгтэйчүүдийн “Хангарьд Харх”, “Алтайн барс” 1, 2-р баг, ИНЕГ “Буянт-Ухаа”, ОБЕГ-ын “Аврагч”, ДЦС-4 ТӨХК-ийн “Эрчим” болон “Хасу Мегастарс нарын долоон баг өрсөлдсөн. Харин “Намрын тэргүүн” тэмцээнд эмэгтэйүүдийн ангиллын багуудын тоо гүйцээгүй тул тэдний дунд тэмцээн зохион байгуулагдаагүй юм.

Долоон баг өрсөлдсөнөөс ДЦС-4 ТӨХК-ийн “Эрчим” алт, “Алтайн барс-2” мөнгө, “Хасу Мегастарс” хүрэл медаль хүртлээ. Тэмцээний шилдэг дасгалжуулагчаар “Эрчим” клубын дасгалжуулагч Д.Баасансүрэн, шилдэг довтлогчоор “Алтайн барс-2” клубын А.Мөнхбаатар, шилдэг холбон тоглогчоор Г.Наранбаяр, шилдэг давуулагчаар “Алтайн барс-1” клубын Э.Сайханбаатар, шилдэг хамгаалагчаар “Эрчим” багийн Т.Отгонтөгс, тэгш тоглогчоор “Хасумегастарс” багийн М.Цэрэнбаатар, шилдэг хаагчаар “Эрчим” багийн Бат-Эрдэнэ нар тус тус шалгарчээ.

Тэмцээний хүрэл медалийг ХАСУ-МЕГАВАТТ компанийн “Хасу Мегастарс” баг

Мөнгөн медалийг “Алтайн барс-2” баг

Алтан медаль, цомыг “ДЦС-4” ТӨХК-ийн “Эрчим” баг

Азийн клубуудын АВАРГА шалгаруулах тэмцээнд Монгол улсаа төлөөлөн оролцох эрхийг гардан авч байна…

Тэмцээндээ амжилттай оролцсон ЭРЧИМ багийн тамирчиддаа спорт, ажлын өндөр амжилтыг хүсве.

ЭРЧИМ волейболын эрэгтэй баг алтан медаль хүртлээ