2015 оны Гагнуурчдын “Ур чадварын уралдаан” дүнгээ гаргалаа…

“ДЦС-4” ТӨХК-ийн 2015 оны Гагнуурчдын “Ур чадварын уралдаан”-ыг Цахилгаан гар нуман гагнуурын төрлөөр Судалгаа хөгжлийн албаны Металл судлал, гагнуурын лаборатори болон Захиргаа хүний нөөцийн албататай хамтран 10-р сарын 12-16 хооронд Гагнуурын сургалтын танхимд амжилттай зохион байгууллаа.

Уралдааны нээлтэнд “ДЦС-4” ТӨХК-ийн удирдлагууд, цех, алба хэсгийн дарга нар, засварын инженер мастеруудаас гадна Монголын материал судлал, гагнуурын нийгэмлэг, Монголын үл эвдэх сорилын нийгэмлэгүүдийн удирдлагууд болон төлөөлөгч нар оролцов.

Уралдааныг энэ оны 8-р сард Бразил улсад зохиогдсон Дэлхийн ур чадварын “World Skills 2015” тэмцээний зарчмийн дагуу явуулсан бөгөөд дэлхийн ур чадварын тэмцээнд гагнагдсан дөрвөн модулиас гагнуурчны мэргэжлийн ур чадварыг хамгийн их шалгадаг Модуль №1-г гагнуулсан нь гагнуурчдынхаа мэргэжлийн түвшин ямар байгааг тодорхойлох чухал алхам болсон юм.

Уралдаанд гагнуурчид нь модуль №1-н дагуу

Хавтан төмрийг (250х125х10мм)         тулгасан холболтоор                     РС буюу хөндлөн байрлалд

Хавтан төмрийг (250х125х10мм)         булангийн холболтоор                 PD буюу таазны байрлалд

Шугам хоолойг (Ø60х6)                         тулгасан холболтоор                     6G буюу 45⁰-н налуу байрлалд

гагнаж дуусгах даалгаврыг 1 цаг 30 минутын дотор ХАБЭАМС- ийн дүрэм журмыг баримтлан гагнуурын технологийн шаардлагын дагуу хийж гүйцэтгэсэн.

 

Уралдаанд гагнагдсан сорьцуудыг шалгалтын комисс гагнуурын стандарт, норм дүрэм журмыг баримтлан 2 өдөр гадна үзлэг шалгалт хэмжилт ба дижитал рентген радиографийн зурганд оруулж дотоод гэмтэл согогийг нарийвчлан тодруулсан нь гагнуурын шалгалтыг өндөр түвшинд явуулсан тод жишээ боллоо.

Ингээд уралдааны дүнг гагнасан төрөл бүрээр гаргахад :

Ингээд уралдааны дүнг гагнасан төрөл бүрээр гаргахад :

Хавтан төмрийг тулгасан холболтоор РС байрлалд гагнахад

Засварийн албаны гагнуурчин                   Ч.Агваандэмбэрэл 85 оноогоор I байр

Механик цехийн гагнуурчин                       Г. Баатархүү            84 оноогоор II байр

Механик цехийн гагнуурчин                       Б. Бямба-Эрдэнэ    82 оноогоор III байр

Хавтан төмрийг булангийн холболтоор     PD байрлалд гагнахад

Зуухан цехийн гагнуурчин                        Н. Ганцоож   59 оноогоор                        I байр

Зуухан цехийн гагнуурчин                        Б. Оргил        57 оноогоор                        II байр

Засварийн албаны гагнуурчин                Р. Баттулга   56   оноогоор                       III байр

Шугам хоолойг тулгасан холболтоор         6G байрлалд гагнахад

Зуухан цехийн гагнуурчин                        Б. Баярзориг            91 оноогоор             I байр

Засварийн албаны гагнуурчин                Э. Гантулга               89 оноогоор            II байр

Засварийн албаны гагнуурчин                Ч.Агваандэмбэрэл 88 оноогоор             III байрыг

тус тус эзэлсэн байна.

Уралдааны нийлбэр дүнгээр

Засварийн албаны гагнуурчин             Ч.Агваандэмбэрэл 222 оноогоор          I байр

Засварийн албаны гагнуурчин             Э. Гантулга               214 оноогоор          II байр

Механик цехийн гагнуурчин                 Б. Бямба-Эрдэнэ    205 оноогоор           III байр

ДХХА цехийн засварчин                         Ц. Баатархүү            205 оноогоор           III байр

эзэлж Өргөмжлөл мөнгөн шагнал хүртлээ.

Уралдааны хаалтын ажиллагаанд станцын удирдлагууд оролцож гагнуурчдын гагнасан сорьцнуудыг үзэж танилцан уралдааны талаар болон гагнуурчдын ур чадварын талаар санал бодлоо солилцож гагнуурчдад зөвлөгөө өгөв.

Уралдаанд байр эзэлсэн гагнуурчдад “ДЦС-4” ТӨХК-ийн Тэргүүн дэд захирал бөгөөд Ерөнхий инженер М. Амарбаясгалан баяр хүргээд 11 сард болох гагнуурын “Улсын уралдаан” –д амжилттай оролцохыг хүсэн ерөөлөө.